En que se diferencian os celos da envexa? Por que na nostalxia sentimos dor xunto a unha lixeira sensación de pracer? Cal é máis dolorosa: a culpa ou a vergoña? A partir de situacións que viven os sete personaxes que habitan esta casa podemos identificar tanto o que eles senten como o que sentimos nós, reflexionar sobre os matices que distinguen un sentimento doutro ou comprender por que moitas veces interpretamos aquilo que nos está sucedendo dun modo erróneo.

A mirada poética e chea de amor dun avó ao seu neto convídanos a entrar nun mundo máxico, alumeado polo simbolismo dos vagalumes e o coidado dunha árbore marabillosa.

Por que e cando se crearon as galerías e os museos? Para que serven? Gustaríache traballar nun deles? En que consiste a preparación da exposición? Este libro responde a todas estas e outras preguntas dunha forma divertida e moi ben documentada.

Tes cinco anos, dúas irmás e desexas con todas as túas forzas un irmanciño para xogar a cousas de mozos. Un día os teus pais anúncianche que terás a ese irmán e que será especial. Estás tolo de alegría: especial para ti significa «superheroe». Tras o seu nacemento, aos poucos entendes que si, que é distinto aos demais, pero que o dos superpoderes non acaba de ser verdade. Ao final descobres as palabras «síndrome de Down», e o teu entusiasmo transfórmase en rexeitamento, mesmo en vergoña. Deberás atravesar a adolescencia para darte conta de que a túa idea inicial non estaba tan equivocada e deixarte contaxiar pola vitalidade de Giovanni ata concluír que quizá si é un superheroe de verdade.

Unha conmovedora historia sobre a espera, a paciencia e a introspección.

Este é o primeiro libro da tradición editorial galega que afronta a descuberta do xénero internacionalmente coñecido como Comic Poetry: o diálogo da poesía e a banda deseñada. 40 poemas interpretados en viñetas por 40 dos nomes máis salientables da escena galega.