Unha sociedade libre de violencia exercida sobre as mulleres é unha das metas que como cidadanía debemos conseguir. A implicación de todos os axentes da sociedade é fundamental. É ben sabido que a cultura contribúe a espertar conciencias. A nosa biblioteca, sempre comprometida, propón este 25 de novembro empregar as artes plásticas como terapia e fomento do respecto.
Nos recreos estamos desfrutando co Zentangle, un método de debuxo que consiste en crear debuxos a partir de patróns abstractos chamados tangles en base a unhas regras básicas. Debúxanse formas xeométricas, curvas e liñas repetitivas dentro dun fío que dá estrutura á obra. O obxectivo principal é inducir á meditación.
Aquí vos deixamos algunhas das cancións que soan nos nosos espazos mentres nos calmamos e tomamos folgos para seguir loitando para desterrar o machismo da nosa sociedade:
- “Humanamente”: Sés
- “Tempestades de sal”: Sés
- “Déjala que baile”: Alejandro Sanz, Melendi y Arkano.
- “Merece la pena”: La Sonrisa de Julia
- “No vales más que yo”: La Oreja de Van Gogh
- “La puerta violeta”: Rozalén
- “Lo malo”: Ana Guerra y Aitana
- “Se acabaron las lágrimas”: Huecco
- “Que Nadie”: Manu Carrasco y Malú.
- “María se bebe las calles”: Pasión Vega.
- “Salir Corriendo”: Amaral
- “Sin Miedo”: Eria Mayo
- “Malo”: Bebe
Convidámosvos tamén a visitar esta páxina web.
E obviamente na biblioteca atoparedes unha selección de libros para conmemorar o Día Internacional contra a Violencia de Xénero. Vaia un exemplo:
Fóra de control
A quen chamo, como visto, onde andabas metida…
En canto valoras, my boy, este corte de mangas?
Carlos Negro. Penúltimas tendencias
